KHUN KARE LESSONA

(bait dalam pesan ibu anakku jangan menangis)

Se e tabhang elang
Se e tamen ta' tombu
Enga' sampan tak nemmo aeng
Alingha' kabudhi adhep ka adha'
Jhang bajhangan akantha omba'
Tadha' neret, tadha' nyodhok
Akhuli sakarebbha dhibi'
Katabun kandas katenghah elang
Jal-khunjalan salanjang-nga kabadha'an
Sabban are alung-gulung athe-penthe
Sakabbianna tadha' bidhana bi' angin
Syer-ngalessyer etegghu' ta' ekenning

Khun kare lessona
Bila enga' ebhakto alateni sakabbhianna

Esoson thibi' ebithong thibi' epekol dhibi'
Edhalem pekkeran arassa berra' ka abha' dhibi'
Korang bhakto korang are
Ebirjhi' sampe' mare kalaban te-ngate tor ngastete
Terro badha'a hasella kalakoan dhaddi bukte
Sanajjan kanyataan ghun ekaolle edhalem mempe

Khun kare lessona
Odhi' nyaman ta' andhi' kennengan
Arassa salah jalan edhalem karenaan
Ekennhengan mewah ate ta' tenang
Arassa akalhendhong edhalem kasala'an
Salanjhang-nga enga' tamoy kasasar tojjuan
Pegghel ka abha' dhibi' sala ka oreng
Pegghel ka oreng sala ka abha' dhibi'
Pekkeran aleng-aleng ngajhak soko ajhalan edhalem kasabbaran

Khun kare lessona
Odhi' djudjur ta' argha
Adhi' sabbhar malarat
Adjar ngastete tape tak salamet dhari sake'na ate

Alam Pettheng 13-10-2012